Asteburu honetan Aiaraldeko herrietan jaiak ospatuko dira, hauen artean, Erretes Tutera eta Salbantone daude. Bigarren hau izango da suziria lehenago botako duen herria, Erretes Tuterak larunbatean egingo baitu.
Goizetik hasita, meza, poteoa, umeentzako jokoak, zumba eta abar antolatu dira, egunsentian txokolatea eta bizkotxoak jaten, jaia amaitzeko. Ospakizunak igandean jarraituko dute 11tan hasiko den danborradarekin. Meza eta zozketaren ondoren, mus txapelketan izena emateko aukera zabalduko da, arratsaldeko 16.30tan txapelketa ospatzeko. Honen ondoren, odolosteak eta txistorra bananduko dira eta jaia amaitzeko 21.30tan zozketa egingo da.
Larunbatean hasiko dira jaiak Erretes Tuteran “Etiliko.com” panpinaren jaitsierarekin. Umeentzako gaztelu puzgarriak egongo dira egunean zehar, jolasekin batera. Goizez eta arratsaldez, 12tan hasita, Galiziatik pulpeiroa Erretes Tutera bisitatuko du. Arratsaldean, pulpeiroarekin batera, sardina banaketa egongo da eta musika egunsentiko 4tan amaituko da kulero eta gantzontzilo lasterketarekin. Honen ondoren txokolatea banatuko da. Igande goizeko, mezaren ondoren, Vermouth dantza egingo da eta herri bazkariaren ondoren “Etiliko.com” panpina erreko da jaiari amaiera emanez. Astearte eguerdian meza ospatuko da berriro.
Honekin batera, igandean Artziniegan meza abestuarekin, Eskualdeko Herrien festa ospatuko da eguerdian.