Igande honetan, garai bateko bizimodua erakusteko, Artziniega Museoari bizitza emango diote. Herriko artisauen laguntzaz, museoaren gela ezberdinetan, antzinako ogibideak erakutsiko dira.
Lanbidez aparte, duela hamarkada batzuetako bizimodua ikusteko aukera izango da, hala nola, tabernako giroa, etxe barruko bizitza, etab.
Ekimena urte batzuk darama jendea erakartzen, hasierako xedea, urtez urte gainditzen doaz, nagusiak garai horretaz oroitzen eta gazteak lehen bizi zen modua erakusten. Horrela, museora igandean hurbiltzen dena, erlezainarekin eztia frogatu ondoren, arotzak zurarekin lanean, errementariak burdina kolpatzen, ikasleak idazlumarekin trebatzen, botikariaren laguntzailea sendagai naturalak prestatzen, andreak josten, abeltzaina animaliak zaintzen eta gaztagilea ardi esnearekin gazta prestatzen ikus ditzake.
Bisitaria, museoaren parte izan daiteke, artisauarekin batera, ogibideetan jarduten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
