Udaletxea espainiako bandera jartzera behartu dute

Erabiltzailearen aurpegia Xabi Zalbide 2013ko urriaren 19a

Espainiako Gobernuaren ordezkaritzaren eskaera betez, urriaren 11tik Espainiako bandera ipinita dago Artziniegako udaletxeko teilatuan. Eskualdeko herri gehienetan eman da urrats hori. Badira hilabete batzuk udalean ohartarazpena jaso zela. 39/1981 legearen arabera Espainiako bandera administrazio guztietako eraikinen kanpoaldean eta barrualdean egon behar da.

Espainiako Gobernuaren ordezkaritzaren eskaera betez, urriaren 11tik Espainiako bandera ipinita dago Artziniegako udaletxeko teilatuan. Eskualdeko herri gehienetan eman da urrats hori. Badira hilabete batzuk udalean ohartarazpena jaso zela. 39/1981 legearen arabera Espainiako bandera administrazio guztietako eraikinen kanpoaldean eta barrualdean egon behar da.

Azkenaldian, ostera, legearen aplikazioa saihestearren, ez da banderarik egon, ez ikurrinik, ez espainiar banderarik. Orain, udalak eskakizuna onartu eta beste udal batzuen ereduari jarraiki, bi bandera ofizialak teilatuan ipini ditu. Biak dira neurri txikikoak. Aiaraldean Laudio eta Amurrioko udalak izan ziren legea betetzen aurrenak, 2009an, eta beste udal asko, Urduña edo Aiara kasu, Artziniegakoaren prozesu berean daude.

Euskal Herrian, nazionalitate ezberdinen banderak jartzea erabaki zuten udal batzuk, baina epaitegiek atzera bota dute. 

Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide