Mundu osoko 1.800 jaiotza baino gehiago ikusgai Santxotena Museoan, urtarrilera arte

Erredakzioa 2016ko abenduaren 8a
Deskargatu Info Ahotsak :

Urtero bezala, aurten ere “Munduko jaiotzak” erakusketa egongo da ikusgai Santxotena Museoan. Inoiz baino pieza gehiago bilduko ditu aurtengo edizioak: 1.827 izango dira guztira, mundu osotik ekarritakoak. Peru izango da aurtengo herrialde gonbidatua. Bertako 130 jaiotza egongo dira ikusgai museoan. Errusiako 18 jaiotza ere egongo dira, eta baita Argentinako, Indonesiako, Indiako, Boliviako, Etiopiako, Brasilgo, Venezuelako, Mexikoko, Alemaniako, Italiako, Txileko edota Uruguaiko pieza berriak ere.

Urtero bezala, aurten ere “Munduko jaiotzak” erakusketa egongo da ikusgai Santxotena Museoan. Inoiz baino pieza gehiago bilduko ditu aurtengo edizioak: 1.827 izango dira guztira, mundu osotik ekarritakoak. Peru izango da aurtengo herrialde gonbidatua. Bertako 130 jaiotza egongo dira ikusgai museoan. Errusiako 18 jaiotza ere egongo dira, eta baita Argentinako, Indonesiako, Indiako, Boliviako, Etiopiako, Brasilgo, Venezuelako, Mexikoko, Alemaniako, Italiako, Txileko edota Uruguaiko pieza berriak ere.

Bisita gidatuak

Erakusketa urtarrilaren amaierara arte egongo da ikusgai, ondorengo ordutegiarekin: ostiraletik igandera 11:00etatik 13:00etara eta 16:00etatik 19:00etara. Ordutegi horretatik kanpo ere egingo dira bisita gidatuak, 15 pertsona baino gehiagoko taldeak bertaratzen badira. Teresa Lafragua margolaria (jaiotza bildumaren egilea) eta Xabier Santxotena eskultorea arduratuko dira bisita guztiak gidatzeaz.

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide