ELAren aburuz Artziniegako Tubacex enpresako faktoria ixteko asmoa dauka zuzendaritzak

Tubacexek Laudion duen lantegia / Aiaraldea

ELA sindikatuak prentsa oharra zabaldu du salatzeko, bere ustez, Tubacex taldeko zuzendaritza Artziniegako fabrika ixteko urratsak ematen ari dela.

Langileen ordezkariek nabarmendu dute 4 orritan argudiatzen duela enpresak enplegua erregulatzeko espedientea eta neurriak ez daukala justifikaziorik.

ELAk erantsi du Tubacexek emaitza positiboak lortu dituela orokorrean eta ez dutela lehiakorra egin nahi Artziniegako azpiegitura.

Halaber, irregulartasunak gertatzen ari direla adierazi du sindikatuak, langileen ordezkarien galderak ez direla erantzuten ari eta.

Gainera, jakinarazi du beharginek hasiko dituztela mobilizazioak eta lotsagarritzat jo du zuzendaritzako kideek 45.000 euroko dietak jasotzea Artziniegako langileak 6 hilabetez langabezian egongo diren bitartean.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide