Erakusketa berezia inauguratuko dute Artziniega Museoko erakusketa gelan bihar (otsailak 18). Luis de Pedro bildumazalearen antzinako josteko makinak egongo dira ikusgai bertan, maiatzaren 11ra arte.
Ez da edonolako bilduma izango: 500 makina baino gehiago ditu Luis de Pedrok, hainbat marka eta garaietakoak. “Munduko bilduma onenetarikoa dela kontsideratzen da”, adierazi dute museoko arduradunek, eta azpimarratu dute makinak guztiak “zaharberrituak” daudela eta “funtzionatzen dutela”.
Hainbat jatorritako makinak
Cristobal Balenciaga jostunak erabilitako makinaren antzeko bat ikusi ahalko da erakusketan, baita El tiempo entre costuras telesailaren grabaketan erabilitako bat ere. Hainbat jatorritakoak egongo dira: “Ingalaterra, Frantzia, Suitza, Kanada, Estatu Batuak edo Indiakoak, bakoitza bere bitxikeria mekaniko edo itxurazkoekin”.
Hau da Artziniega Museoaren ordutegia:
Asteartetik-Larunbatera: 11:00etatik 14:00etara eta 16:30etatik 19:30etara.
Igandeetan: 11:00etatik 14:00etara.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
