Artziniegako alkatea Iñigo Gomezek sare sozialetan zabaldu du eskutitza bidali diola Gregorio Villabeitiari, Kutxabankeko presidenteari, alegia. Arrazoia da asteburuan banketxeko kutxazaina matxuratu zela -jaietan, hain zuzen- eta ez zutela berehala konpondu.
Alkateak azaldu du larunbatean kutxazaina zerbitzutik kanpo geratu zela eta teknikariek ez zutela konpondu egunean bertan. Horrek ezinegon eta haserre handia sortu zuen herritarren artean, jai egun garrantzitsua izan baitzen eta kontsumitzeko aukera ez zuten izan.
Iñigo Gomezek azpimarratu du arrunta dela matxura hori gertatzea eta ez dela onargarria Kutxabankek ez izatea zerbitzu tekniko eraginkor eta azkarra.
Aldi berean, alkateak erantsi du ez duela ulertzen zergatik ez dioten informaziorik eman konponketei buruz eskatu izan duenean.
Udal ordezkari politiko nagusiak espero du Kutxabankek ahalik eta lasterren arazo hori zuzentzea eta konpromisoa erakustea herriarekin.
Gainera, alkateak nabarmendu du euskal kutxen fusio eta pribatizazioaren ondorioz, Artziniegak galdu zuela banketxe bat, izan ere, hori baino lehen BBKk eta Vital Kutxak zeuzkaten egoitzak eta orain bakarra gelditu da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide