Bikain hasi du denboraldia Zuriñe Frutos artziniegarrak. Dagoeneko hasi da garaipenak pilatzen. Iragan asteburuan Urduñako Mendi duatloian gailendu zen, eta oraingoan Arriarango podiuma zapaldu du. Euskal Herriko Mendi duatloien zirkuituan ari da parte hartzen. Zeanuriko proban ere lehen postua eskuratu zuen.
Sare sozialetan azaldu duenez, pozik dago emaitzarekin: "Bizikletaz egin beharreko zatia gogorra izan zen, sekulako aldapak zeuden". Frutosen esanetan, zorteko ibili ziren; eguraldi txarra, euria eta lokatza saihestu baitzuten.
Bi norgehiagoketan lehiatu da asteburuan Frutos. Izan ere, igandean Santurtziko Serantes igoeran hartu zuen parte, bigarren postua erdietsiz.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
