Koalizioak jakinarazi du irailaren 21eko udalbatzan azaldu zuela Gizarte Zerbitzuen erabiltzaileen intimitatearen babeserako bermeak ez daudela Artziniegako Udaletxean.
Izan ere, taldeak salatu du erabiltzaileetaz arduratzen den administrari laguntzaileak, gela ireki batean egiten duela -eraikinaren solairu diafanoa-, euren txanda itxaroten dauden gainontzeko lagunengandik 5 metrora; bakarrik bionbo batez bananduta dagoen udal artxibozainaren alboan eta beste udal funtzionario baten aurrean.
Hau da, elkarrizketa horretan hitz egiten den guztia bertan dauden pertsona guztiek ezin hobe entzuten dutela uste dute EH Bildun, eta horrela adierazi diete zenbait erabiltzailek.
Agentziaren erantzuna
Bi asteren ostean egoera ez denez aldatu, Datuen Babeserako Agentziara jo du EH Bilduk kasua salatzeko eta agentziak 15 egun eman dizkio alkateari informazio bidali dezan.
Bide batez, koalizioak agerian utzi nahi izan du EAJk, euren ustez, herriko zenbait kolektibo gutxiesten dituela.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
