Artziniegako merkataritza eta turismoa “biziberritzeko” plana abian

Erredakzioa 2017ko azaroaren 10a

Antzinako azoka da Artziniegara bisitari gehien erakartzen dituen ekintzetako bat. / aiaraldea.eus

Merkatari eta bizilagunen parte hartzea sustatu nahi du udalak plana osatzeko.

Merkataritza eta Turismoa Biziberritzeko Plan Berezia (PERCO gazteleraz) jarri du abian Artziniegako Udalak, Eusko Jaurlaritzarekin batera. Ikertalde Grupo Consultor enpresari esleitu diote plana diseinatzeko enkargua.

Artziniegako bizilagun eta merkatarien parte hartzea sustatu nahi dute plana osatzeko, “etorkizuneko erronkei aurre egiteko ekintza plan egokia eraikitzeko asmoz”.

Iñigo Gomezek zehaztu du abendurako amaitu nahi dutela plana. Telefono bidezko galdetegiak egiten ari dira, eta bilerak egingo dituzte baita dendariekin eta turismoarekin erlazionatutako agenteekin. "Plan sinple bat egitea da asmoa, ekintzak abian jartzeko balioko duena", azaldu du alkateak, eta aurreratu du 2018ko aurrekontuetan diru partida bat erreserbatuko dutela planean zehazten diren ildoak garatzeko.

Proiektuaren nondik norakoak azaltzeko webgunea atondu dute baita ere.

Jendartea Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide