Gabonetako Merkatu Txikiaren XVII. edizioa antolatu du Hiriska emakume elkarteak. Galaktosemiarako Espainiako Elkartera (AEG) bideratuko dute ekimenaren bidez biltzen duten dirua. Izan ere, eritasun hori du Markel Rivas 6 urteko ume artziniegarra.
"Gaixotasun genetiko hereditario eta kronikoa da galaktosemia, sendaezina", azaldu dute elkarteko kideek. Eritasun hori dutenek ezin dute metabolizatu galaktosa izeneko azukre sinplea. "Galaktosemia duen haur bati esnea ematen bazaio galaktosaren deribatuak bere organismoan pilatzen dira. Substantzia horiek gibela, garuna, giltzurrunak eta begiak kaltetzen dituzte".
Herritarrek parte hartzeko deia
Abenduaren 2tik 10era egongo da azoka, La Encina egoitzako kaperan. Hiriskako kideek auzokideei luzatu diete ekimenean parte hartzeko deia, "gai berriak edo egoera onean dauden gai erabiliak eramanez, azokan salduak izan daitezen". Ostirala -azaroak 24- izango da horretarako azken eguna. Elkartetik nabarmendu dute ez dela arroparik jasoko, baina etxean eginiko opilak onartuko dituzte.
Hortaz gain, kontu-korronte bat ireki dute, jendeak dohaintzak egin ditzan: 2095-3207-12-1094043238 (Kutxabank).
“Gabonetako Merkatu txikia” egingo dute galaktosemia gaixotasuna duen 6 urteko bizilagun baten alde
Herritarrek ostiralera arte izango dute merkatua hornitzeko objektuak eskaintzeko aukera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide