Munduko jaiotzak munduaren ispilu

Euskal Herriko gaiak lantzen dituzten jaiotzak ere egongo dira ikusgai. / Santxotena Museoa

Mundu osoko 2000 jaiotza baino gehiago jarriko dituzte ikusgai Artziniegako Santxotena Tailer Museoan abenduaren 1etik urtarrilaren 31ra.

Beste urte batez jaiotza erakusketa antolatuko du Artziniegako Santxotena Tailer-Museoak gabonen testuinguruan.

Orotara 2000 jaiotza baino gehiago egongo dira ikusgai eta munduko hainbat herrietako etnografia eta antropologia aztertzeko parada eskainiko dute. Gaurkotasunezko gaiak jorratzen dituzten piezek ere osatuko dute bilduma; errefuxiatuen gaia jorratzen duen jaiotza bat egongo da, besteak beste.

Txoko askotatik etorritako jaiotzak bilduko dituzte abenduaren 1etik urtarrilaren 31ra zabalik egongo den erakusketan. Ostiraletik igandera, 11:00-13:30 eta 16:00-19:00 ordutegian, ikusi ahalko dira Kongo, Polonia, Kolonbia, Cuba, Galiza, Katalunia eta beste hainbat herritako obrak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide