aiaraldea.eus

Munduko jaiotzak munduaren ispilu

Erabiltzailearen aurpegia Erredakzioa   Jendartea  Artziniega

Mundu osoko 2000 jaiotza baino gehiago jarriko dituzte ikusgai Artziniegako Santxotena Tailer Museoan abenduaren 1etik urtarrilaren 31ra.

Munduko jaiotzak munduaren ispilu
Euskal Herriko gaiak lantzen dituzten jaiotzak ere egongo dira ikusgai. / Santxotena Museoa | Ikusi handiago | Argazki originala

Beste urte batez jaiotza erakusketa antolatuko du Artziniegako Santxotena Tailer-Museoak gabonen testuinguruan.

Orotara 2000 jaiotza baino gehiago egongo dira ikusgai eta munduko hainbat herrietako etnografia eta antropologia aztertzeko parada eskainiko dute. Gaurkotasunezko gaiak jorratzen dituzten piezek ere osatuko dute bilduma; errefuxiatuen gaia jorratzen duen jaiotza bat egongo da, besteak beste.

Txoko askotatik etorritako jaiotzak bilduko dituzte abenduaren 1etik urtarrilaren 31ra zabalik egongo den erakusketan. Ostiraletik igandera, 11:00-13:30 eta 16:00-19:00 ordutegian, ikusi ahalko dira Kongo, Polonia, Kolonbia, Cuba, Galiza, Katalunia eta beste hainbat herritako obrak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa