Artziniegako Museoa inoiz baino biziago

Aimar Gutierrez Bidarte 2018ko otsailaren 21a
Deskargatu Info Ahotsak :

Eskualdeko artisauek bizia emango diete antzinako ogibideei. / Artziniega Museoa

"Museo Bizia" antolatuko dute otsailaren 25ean Artziniegako Museoan. Museoko lanbideei bizia emango diete herriko artisauen laguntzaz.

Antzinako ogibide eta bizimodua ezagutzera ematea da "Museo Bizia" ekimenaren helburua. Artisautzak eguneroko bizitzan duen eragina ere erakutsi nahi dute. Artziniega Museoan erakusten diren lanbideei bizia emango diete herriko auzokide eta artisauen laguntzaz.

Aurtengoa ekimenaren X. edizioa izango da. Erakusketa otsailaren 25ean 11:00etatik 14:00etara egongo da ikusgai. Bertan, zurgindegia edota sutegia martxan jarriko dituzte egun batez eta animalien zaintza eta tratamendu naturalen nondik norakoak ere erakutsiko dituzte.

Mutur beltz ardiak
Aurtengo edizioan artilearen ekoizpen prozesuari eman nahi diote garrantzia. Karrantzako Mutur Beltz elkartea gonbidatu dute horretarako. Mutur Beltz izen bereko ardi espeziearen sustapenean lan egiten duen taldea da eta artilez egindako arropak manufakturatuko ditu Artziniegako Museoan igandean.

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide