Baskonia eta Montakit Fuenlabradaren arteko norgehiagoka ikusteko 30 sarrera oparituko ditu udalak

Erredakzioa 2018ko martxoaren 19a
Deskargatu Info Ahotsak :

Buesa Arenan jokatuko da partidua, igandean. / Wikipedia

Gasteizko Buesa Arena estadioan jokatuko da norgehiagoka datorren igandean -martxoak 25-, 18:00etan.

Baskonia eta Montakit Fuenlabrada saskibaloi taldeen arteko partidua ikusteko 30 sarrera ditu Artziniegako Udalak, eta norgehiagoka ikusi nahi duten herritarren artean banatuko ditu. Interesdunak udaletxera joan, 945396353 telefonora deitu edo info@artziniegakoudala.eus helbide elektronikora mezu bat bidali beharko dute. Izen-abizenak eta telefonoa helarazi beharko dituzte.

Udalak jakinarazi du sarrerak "izen-emateko hurrenkeraren arabera" banatuko direla, eta nabarmendu dute lehentasuna izango dutela herrian erroldatutakoek. 

Kirola Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide