Artziniega eta Okondo arteko autobus zerbitzua merketzea aztertuko du Aldundiak

Izar Mendiguren Cosgaya 2018ko mai. 17a, 18:30
Arabako garraio publiko zerbitzuaren prezioa jarri dute ezbaian. / Aiaraldea.eus

16. lineako prezioak aztertuko ditu Arabako Foru Aldundiak. Herritarrek sinadura bilketa egin zuten, prezioa merkeagoa izan dadin eskatzeko.

Sinadura bilketa egin zuten artziniegarrek autobus zerbitzuko prezioak merkeagoak izan daitezen exijitzeko.

Artziniega eta Okondotik igarotzen den 16. lineadun zerbitzua da aztergai dagoena. Arabako Azpiegitura eta Mugikortasun Diputatuari bidali diote akordioa, egoeraren azterketari bide emateko. 

Astelehenean izan zen Foru Aldundiarekin bilera. Ekimenaren sustatzaileak instituzioko arduradunekin elkartu ziren. "Arazoa aztertu eta tarifa berrikusteko konpromisoa hartu zuen Diputatuak", adierazi dute.

Aldaketa epeei dagokienez, datorren urtean abian jartzea aurreikusi du Aldundiko ordezkariak. Apirileko udalbatzan alderdi guztiek egin zuten bat herritarren eskaerarekin

Batzar Nagusietan, eztabaida

Batzar Nagusietan ere jorratu zen gaia, Arabako EH Bilduk adierazi duenez. Koalizioak tarifa moldaketa irailaren 1ean ezartzeko proposamena aurkeztu zuen, erdibideko zuzenketa bidez.

Horrez gain, eskualdeko garraio publikoaren prezio politika salatu zuten, baita alderdien jarrera ere: "EAJ eta PSE abstenitu egin dira, artziniegarrak zigortzen dituen 16. linearen tarifaren eskaeraren aurrean; irailaren 1etik aurrera prezio moldaketak indarrean jartzeko".

Jendartea Artziniega

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide