Herriko Gizarte Etxean izango da zita, arratsaldeko seietan. Artziniegako Udalak deitu du eta Erretes Tudelako, Gordelizeko eta Las Ventaseko herritarrei luzatu diete bertan parte hartzeko gonbita.
Bilera irekia deitu du gaurko Artziniegako Udalak Erretes Tudelako Gizarte Etxean, 18:00etan. Erretes Tudelako, Gordelizeko eta Las Ventaseko herritarrei zuzendutako zita izango da, hiru gune horietako uraren kalitatea izango baitute hizpide.
Atzo alkateak bando bat plazaratu zuen udalerriko hiru zonalde horietako ura edangarria ez dela ohartarazteko. “Kantauriko Urkidetzak eginiko analisiek diote Erretes Tudelako ura ez dela edateko aproposa. Horrez gain, Gordeliz eta Las Ventaseko ura ere ez-edangarritzat hartuko da, prebentzio neurri gisa”, azaldu du tokiko erakundeak.
Gai horren nondik norakoak eta hartuko diren neurriak izango dituzte hizpide gaurko bileran.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
