Premiazko hainbat lan egin dituzte Gordelizko, La Ventako eta Erretes Tudelako ur-horniketa hobetzeko

Erredakzioa 2018ko urriaren 2a
Deskargatu Info Ahotsak :

Iragan osteguneko Udal Osoko Bilkuran eman zituen Iñigo Gomezek gaiari buruzko azalpenak. / Aiaraldea.eus

Gordelizko ur-tanga Artziniegako Edateko Uren Araztegiko uharkako urekin betetzera pasa dira, ur horrek kontsumorako osasun indize guztiak betetzen dituelako.

Premiazko hainbat lan egin dituzte Artziniegako Udalak eta Kantauriko Urkidetzak Godelizko, La Ventako eta Erretes Tudelako ur-horniketa hobetzeko. Gauzak horrela, Gordelizeko ur-tanga Artziniegako Edateko Uren Araztegiko uharkako urekin betetzera pasa dira.

Bi azpiegiturak lotzeko lur gaineko hoditeria jarri dute horretarako. “Behin betiko hodiaren finantzaketa aztertzen ari gara”, azaldu du Iñigo Gomez alkateak, “2020ko urtarrilerako amaitua egotea aurreikusten dugu”. 183.000 euroko diru-laguntza baliatuko dute horretarako.

Tokiko Erakundeak nabarmendu du herriko ura edangarria dela. “Ez da kutsadura mikrobiologikoaren zantzurik atzematen”, nabarmendu dute.

OHARRA: Albiste hau Artziniegako bazkideen ekarpenari esker plazaratu da, udalak ez baitio hedabideari diru-laguntzari ematen.

Jendartea Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide