Ume eta nerabeentzako arropa biltzen jarraituko du “Bigarren bizitza” ekimenak

Txabi Alvarado Bañares 2018ko urriaren 26a
Deskargatu Info Ahotsak :

Arrakasta izan zuen lehen arropa eta oinetako bilketak.

Arropa eta oinetakoen beharra duten 25 ume eta nerabe baino gehiago daude herrian.

Arropa eta zapatak biltzeko kanpainarekin jarraitzeko deia luzatu du “Bigarren bizitza” ekimenak. Duela gutxi jarri zuten martxa egitasmoa, eta harrera ona izan du herritarren partetik.

“Nahiz eta arropa asko bildu den, hainbat artikulu behar dira oraindik”, azaldu dute ekimenaren sustatzaileek. Hauek da bilatzen ari direna: 6 eta 7 urte bitarteko neskentzako arropa eta zapatak, 7 eta 10 urte bitarteko neska eta mutilentzako arropa eta zapatak eta 12 eta 17 urte bitarteko nerabeentzako arropa. Dohaintzak egiteko mezu bat bidali behar da segundavidartziniega@gmail.com helbide elektronikora. Udaletxean ere entregatu daitezke arropa eta oinetakoak.

Zehaztu dutenez, gauza horien beharra duten 25 ume eta nerabe baino gehiago daude herrian.

OHARRA: Albiste hau Artziniegako bazkideen ekarpenari esker plazaratu da, udalak ez baitio hedabideari diru-laguntzari ematen.

Jendartea Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide