aiaraldea.eus

Autobus geltokia handitzeko obrak egiten dabiltza

Erabiltzailearen aurpegia Izar Mendiguren Cosgaya   Jendartea  Artziniega

Autobus geltokia hobetzeko obrek hiru aste iraungo dute. Bi autobusentzat tokia izatea da helburua. 

Autobus geltokia handitzeko obrak egiten dabiltza
Autobus geltokia konponduko dute. / GoogleMaps | Ikusi handiago | Argazki originala

Autobus zerbitzua hobetzeko obrak egiten ari dira Artziniegan. Zehazki, geltokia da konponduko dutena. Izan ere, orain arte autobus bakarrarentzat zegoen tokia. Obrak bukatzean, berriz, mota horretako bi ibilgailu sartuko dira. "Artziniegara datozen bestelako autobusentzat ere egongo da tokia horrela, bisitarientzat adibidez", adierazi du Iñigo Gomez alkateak.

Lanek hiru asteko iraupena izango dute. Egitasmoa gauzatzeko Arabako Foru Aldundiaren diru-laguntza jaso du tokiko erakundeak. Espazioa egokitu bitartean, egungo geltokitik 20 metrora kokatuko dute autobusen geralekua. "Bilbo eta Gasteizera doazen autobusei eragiten die behin-behineko moldaketak", erantsi du alkateak. Horrez gain, mendietako beste zenbait bide konpontzen ari direla jakinarazi du. 

Oharra: Eduki hau bazkideei esker plazaratu da, Artziniegako Udalak tokiko euskarazko hedabide bakarra ekonomikoki ez babestea erabaki baitu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa