aiaraldea.eus

Asasam elkartera bideratuko dute Gabonetako Merkatu Txikian biltzen duten dirua

Erabiltzailearen aurpegia Txabi Alvarado Bañares   Jendartea  Artziniega

Hiriska emakume elkarteak antolatu du ekimena. Abenduaren 1etik 9ra egongo da azoka La Encina egoitzako kaperan.

Asasam elkartera bideratuko dute Gabonetako Merkatu Txikian biltzen duten dirua
La Encina egoitzako kaperan egingo dute azoka. / Artziniegako Udala | Ikusi handiago | Argazki originala

Gabonetako Merkatu Txikiaren XVIII. edizioa antolatuko du Hiriska emakume elkarteak abenduaren 1etik 9ra La Encina nagusien etxeko kaperan.

Herritarrei zabaldu diete ekimen solidarioan parte hartzeko deia, “objektu berriak edo bigarren eskukoak” eramateko, arropa salbu. Etxean egindako gozokiak ere onartuko dituzte.

Azaroaren 22ra arte egongo dira objektuak biltzen. Aste honetan Hiriskak udal liburutegiaren gainean duen lokalean jasoko ditu dohaintzak, 18:00etatik 19:30etara. Datorren astean, aldiz, nagusien etxean egongo dira, ordutegi berarekin.

Bildutako dirua, Asasam elkartearentzat
Hiriskako kideek adierazi dute aurten azokan biltzen duten dirua Asasam elkarteari emango diotela. “Buru osasuna hobetzea da elkarte horren xedea, bere normalizazioa eta onarpen soziala sustatzen. Hiriska elkartetik ere gure hondar alea jarri nahi dugu borroka horretan”.

Kontu korronte bat ere ireki dute, dohaintza ekonomikoak jasotzeko: 2095-3207-11-1093046000 (Kutxabank).

Oharra: Eduki hau bazkideei esker plazaratu da, Artziniegako Udalak tokiko euskarazko hedabide bakarra ekonomikoki ez babestea erabaki baitu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa