Bando bidez jakinarazi du Artziniegako Udalak abiatu dela egurketa-esleipenaren onurak eskatzeko epea. Azaroaren 28an itxiko da eta tarte hori igarota ez da eskaerarik egiteko aukerarik egongo. Egurketen zenbatekoa 15 eurokoa izango da.
Mozketak urtarrilaren 1etik martxoaren 15era egin beharko dira eta margoz adierazitako zuhaitz eta adarrak moztu ahalko dira soilik. Udalak jakinarazi duen bezala, norbaitek justifikatutako arrazoi baten ondorioz egurketa gauzatu ezingo balu, 2019ko abenduan egin ahalko luke, udaletxean idazki formala aurkeztuta.
Ezohiko aprobetxamendua
Artziniegako auzoetako biztanleei zuzenduta egon arren, hiriguneko biztanleek ere izango dute Badoga inguruan ezohiko aprobetxamendurako eskaera egiteko aukera, horrela nahi izanez gero. Ezohiko aprobetxamenduak 30 euroko kostua izango du eta aurreko epe berdinetan eskatu beharko da.
Ezohiko aprobetxamenduak hostozabal autoktonoari lehiakideak kentzea du helburu, Ameriketako haritzaren hazkundea bultzatuz.
Oharra: Eduki hau bazkideei esker plazaratu da, Artziniegako Udalak tokiko euskarazko hedabide bakarra ekonomikoki ez babestea erabaki baitu.