Gaur gauean ezezagunak Correoseko bulegoko atea bortxatu dute barruan sartzeko, baina, antza, ez dute ezer ostu.
Artziniegako Correos posta zerbitzuko bulegoak ezusteko bisita izan du gaur gauean. Izan ere, ezezagunak barruan egon dira, indarra baliatuta.
Hala ere, enpresako iturriek ziurtatu dute pertsona arrotz horiek ez dutela ezer lapurtu; hainbat gauza hankaz gora jarri dituzte, baina ezer eraman gabe. Dirurik ez dute hartu, ezta zigiluak ere.
Langileek banan banan alderatu dituzte eskutitzak eta ziurtagiriak eta ez dute sumatu ezer falta denik.
Oraindik ez dute salaketarik jarri, baina laster Laudioko komisaldegian egingo dute.
Oharra: Eduki hau bazkideei esker plazaratu da, Artziniegako Udalak tokiko euskarazko hedabide bakarra ekonomikoki ez babestea erabaki baitu.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
