aiaraldea.eus

Artziniegako museoa irekitzeko mozio bateratua aurkeztuko dute PPk eta EH Bilduk

Erabiltzailearen aurpegia Izar Mendiguren Cosgaya   Politika  Artziniega

Artea Museo Etnografikoak irekita egon behar duela nabarmendu dute PPk eta EH Bilduk. Mozio bateratua aurkeztuko dute hurrengo osoko bilkuran.

Artziniegako museoa irekitzeko mozio bateratua aurkeztuko dute PPk eta EH Bilduk
Urtarrila hasieran itxi zuten museoa. / Aiaraldea.eus | Ikusi handiago | Argazki originala

Artziniegako PPk eta EH Bilduk mozio bateratua defendatuko dute hurrengo udalbatzan. Joseba Elejalde eta Joseba Vivanco zinegotziek azaldu dutenez, "etorkizunera begira gainontzeko finantzazio iturriak eta kudeaketa eredu egokiena bilatzen jarraitzeaz aparte, adostu dugu Artziniegako Museo Etnografikoak irekita egon behar duela".

Hori dela eta,  emendakin bateratua proposatu dute 2019ko udal aurrekontuan txertatzeko, 78.000 euroko kopurua, hain zuzen. 

Artea etnografia elkarteak ere proposamen bat tramitatu du udalean, gauza bera eskatzeko: 78.000 euroko aurrekontua bideratzea museora eta lehen 29.000 euroak mozioa onartu eta hurrengo egunean ematea. "Finantzaketa horrek museoa irekitzea bermatuko luke apirilera arte", zehaztu dute elkarteko kideek.

Asteazkenean egingo dute Udal Osoko Bilkura. Bertan eztabaidatuko dute gaiaren inguruan.

Urtarrilaren hasieran itxi zuten museoa, finantzaketa faltagatik. Ordutik, zenbait bilera egin dituzte udalak eta elkarteak, baina ez dute gaur-gaurkoz irtenbidea lortu:

Oharra: Eduki hau herritar eta bazkideen laguntzari esker plazaratu da, Artziniegako Udalak tokiko euskarazko hedabide bakarra ekonomikoki ez babestea erabaki baitzuen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa