Iaz egin zuten Artziniegako Kuadrilla Egunaren lehen edizioa. Arrakasta nabarmena izan zuen, eta horregatik erabaki dute antolatzaileek ekimenari jarraipena ematea. Larunbatean -ekainak 29- egingo dute bigarren edizioa. Egun osoko egitaraua prestatu dute. Umeentzako jolasak, giza-futbolin txapelketa, herri bazkaria, txaranga eta karaokea egongo dira, besteak beste. Goizeko ordu txikietara arte luzatuko da jaia, Sotano 52, Akerbeltz eta DJ Rosa Mariren musikarekin.
Helburu berdinak
Egunaren helburuak berdinak izaten jarraitzen dute, antolatzaileen esanetan: “koadrila guztiak batzea da eta egun on bat pasatzea”. Horrez gain, “berdintasuna eta errespetua” sustatu nahi dituzte egunean zehar egingo dituzten ekintzetan. “Ez ditugu aldaketa asko egin. Ondo ateratzen dena aldatu behar ez dela esaten dute. Baina pasaden urtean, adibidez, goizean zunba egin genuen eta aurten giza futbolin txapelketa egingo dugu, talde mistoekin”.
Herriko kuadrilen artean “lehia” dagoela aitortu dute antolatzaileek, baina “errespetuz beteriko lehia” dela nabarmendu dute. “Gure artean harreman ona daukagu”.
EGITARAUA
11:00 // Txupinazoa frontoian
11:15 // Txikigunea eta Giza-futbolin txapelketa
12:00 // Igel jaurtiketa txapelketa
13:00 // Txaranga poteoa herrian zehar
14:30 // Koadrilen bazkaria frontoian
15:00 // Bingoa
16:30 // Kuadrilen arteko jolasak
18:30 // Karaokea
19:30 // Umeentzako ipuin-kontaketa: “Gora Ostadarra!”
20:00 // Poteoa “El pregonau”rekin, Peña Tiburonen eskutik
21:00 // Kontzertuak: Sotano 52, Akerbeltz eta DJ Rosa Mari