aiaraldea.eus

"X.Motorshowa", kirol autoez eta ibilgailu klasikoez gozatzeko aukera

Erabiltzailearen aurpegia Izar Mendiguren Cosgaya   Kirola  Artziniega

Motorshowa egingo dute larunbatean Artziniegan, hamargarrenez.

"X.Motorshowa", kirol autoez eta ibilgailu klasikoez gozatzeko aukera
Larunbat arratsaldean izango da motorshowa / Aiaraldea | Ikusi handiago | Argazki originala

Ostiraletik larunbatera, "Motorshowa" egongo da Artziniegan. Hamargarrenez antolatu dute ekimena, eta sare sozialetan aurreratu dutenez, izen-emate ugari jaso dituzte dagoeneko.

Egitarauari dagokionez, ostiralean hasiko da topaketa, igerilekuetan. 18:00etatik aurrera akanpatzeko aukera izango dute partaideek. 21:00etan izango da lehenbiziko erakustaldia, udal igerilekuetan. Ondoren, Windsor taldearen kontzertua izango dute gainera.

Larunbata, egun nagusi

Larunbatean pilatu dituzte ekintza gehienak. 10:00etan izango da lehen hitzordua, ibilgailu klasiko eta motorrena, hain zuzen. Bazkarirako izen-ematea goizean zehar egin beharko da, 5 euroren truke. Hala, 11:00etan ibilaldiari ekingo diote. Artekalen, ordea, puzgarriak jarriko dituzte goizean zehar. 12:00etan, berriz, bide heziketa eskainiko diete haurrei, bizikeltarekin ibili daitezen. Artziniegako Txirrindulari Elkarteak antolatu du jarduera hori. 

12:00etan, ordea, kirol-autoen eta ibilgailu klasikoen erakusketa egongo da ikusgai. Omenaldirako ere izango dute tartea. Aurten Jose Luis Etxabe-Esteban Garciaren lana goraipatuko dute. Bazkariaren ondotik, "motorshowa" egongo da arratsalde osoan zehar, 16:00etatik 21:00etara. Bazkalaurretik eta gauerdian egongo dira musika kontzertuak. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa