Paella txapelketa izango dute Artziniegan abuztuaren 15ean. Dolaretxe elkarteak antolatu du ekimena, eta Artekaleko plazan ospatuko dute. Udalak mezua bidali die herritarrei ibilgailuak bertatik igarotzea edota geratzea ekiditeko. Hain zuzen, zamalanetarako bakarrik geratu ahalko dira bertan autoak.
Txapelketari dagokionez, 12:00etatik 13:00etara izango da izen-ematea Arteko plazan. “Salda hautazkoa izango da, baina paellak horretarako jarritako esparruan egingo dira hasieratik amaierara”. Osagaiak libreak izango dira. Jakiak 13:00etatik 14:30era aurkeztu beharko dira, eta epaileek paellak jaso ahala baloratuko dituzte. Lau sari banatuko dituzte partaideen artean: lehenbizikoek garaikurra, ardo kaxa, gazta eta hestebete sorta eskuratuko dute; bigarren sailkatuek ardoa eta gazta, eta hirugarrenek ardo kaxa. Itxura ere sarituko dute, Zorroza garajearen eskutik.
Abuztuaren 14an, Jasokundearen bezpera jaia
Bestalde, hilaren 14an izango da Jasokundearen bezpera jaia. Goiko plazan izango dira ekintza guztiak, Urizahar hirigune zaharreko auzokoen elkartearen eskutik. Besteak beste, 19:30ean umeetzat jokoak egingo dituzte eta 20:30ean erromeria eta pintxo jana.