aiaraldea.eus

Euskara ikasteko taldeak eratuko dituzte Artziniegan

Erabiltzailearen aurpegia Txabi Alvarado Bañares   Euskara  Artziniega

Irailaren 26ra arte egongo da inskripzio fitxa betetzeko aukera.

Euskara ikasteko taldeak eratuko dituzte Artziniegan
Ilustrazioa: Aimar Gutierrez Bidarte | Ikusi handiago | Argazki originala

Ikasturte honetan euskara ikasi nahi duten artziniegarrek ez dute Urduña, Amurrio edo Laudiora jo beharko horretarako. Artziniegan bertan taldeak eratzeko asmoa du udalak.

“Deialdia C1 (EGA) arte, edozein mailatako taldeak sortzeko da deialdia, ikasturtean zehar gutxienez 165 eskola ordu emateko (5 ordu astean gutxi gorabehera)”, azaldu du tokiko erakundeak ekimena azaltzeko zabaldutako oharrean, “hala ere, ordu gutxiagoko taldeak sortzeko aukera aztertuko da”.

Epemuga, irailaren 26a
Irailaren 26ra arte egongo da ekimenean izena emateko epea. Udaletxean entregatu beharko da inskripzio fitxa. Eskaera guztiak jaso ostean, Amurrioko AEKrekin harremanetan jarriko da udala, herrian taldea sortzeko haina jende dagoen aztertzeko.

Udal beka
Ikasleek ikasturte hasieran ordaindu beharko dute matrikularen zenbatekoa. Hala ere, kurtso amaieran aukera egongo da udal beka eskuratzeko. “Baldintzak betetzen dituztenei matrikularen %50 arte itzuli ahalko zaie”, jakinarazi du udalak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa