"Bigarren Bizitza" egitasmoa jarri dute berriz abian Artziniegan, baliabide gutxi dituzte bizilagunentzako arropa eta zapatak biltzeko.
0-16 urte bitarteko haur eta nerabeentzako jantzi eta oinetakoak biltzea izango da kanpainaren xedea. Urriaren 1tik 8ra egongo da dohaintzak egiteko aukera, udal liburutegian (10:00etatik 13:00etara eta 16:00etatik 20:00etara bitartean).
Ekimenaren sustatzaileek nabarmendu dute dohaintzan ematen diren gauzak "garbituta eta egoera onean" egon behar dutela. "Edozein arrazoi dela medio familiei helarazten ez zaizkien arropa eta oinetakoak Caritasen edukiontzira botako dira edo Amurrioko arropategiari emango zaizkio", jakinarazi dute.
Udal liburutegian egongo da dohaintzak egiteko aukera. Baliabide gutxi dituzten artziniegarrei emango dizkiete bildutako jantzi eta zapatak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide