Larunbatean egingo dute Mendieta Kultura egitasmoaren urteko azken ekintza

Erredakzioa 2019ko urriaren 23a
Deskargatu Info Ahotsak :

Marion Desjaques arpa-jotzailea entzuteko aukera egongo da, besteak beste.

2014. urtean sortu zen Mendieta Kultura egitasmoa, Artziniegako Mendieta auzoko Santo Tomas eliza birgaitu eta barruan musika zentro bat irekitzeko asmoarekin.

"Musicas transfronterizas" emanaldiaz gozatzeko aukera egongo da Artziniegako Ama Agustindarren komentuan datorren larunbatean, urriak 26, 20:30ean.

Nuria Orbea sopranoak, Susana Torre txirulariak eta Marion Desjaques arpa-jotzaileak eskainiko dute ikuskizuna. Sarreren prezioa 5 eurokoa izango da, baina Mendieta Kulturako bazkideak doan sartu ahalko dira, elkarte horrek antolatzen baitu kontzertua.

Larunbatekoa izango da Mendieta Kulturak aurten egingo duen azken jarduera. Lau ikuskizun antolatu ditu guztira.

Kultura Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide