Haizete bortitzak egon ziren atzo iluntzean Artziniegan. Eguraldiak hainbat kalte eragin zuen herrian, eta argiz moztuta egon da goizaldeko bostak arte.
Hala ere, haizete hori ez da oso handia izan, 1941ean egondakoarekin alderatzen badugu, behintzat. Urte hartako otsailean egondako urakanari buruzko artikulu interesgarria topatu daiteke Arseniega historia blogean.
Bertan jasotako informazioaren arabera, haizeak kalte andana eragin zuen Euskal Herrian, eta Artziniega ez zen salbuespena izan. Arteko Gure Amaren Santutegiko sabaia, adibidez, zeharo birrinduta geratu zen.
Eskualdeko beste herrietan ere kalte larriak eragin zituen eguraldiak. Amurrion pertsona bat zendu zen eta hainbat zauritu ziren. Urduñan, aldiz, sei etxe erori ziren.
2010ean jazotako ziklogenesiari buruzko informazioa ere bildu dute blogean. Urduñan 228 kilometro orduko abiadura hartu zuen haizeak, eta hainbat kalte eragin zituen eskualdean.
Hemen irakurri daiteke artikulua osorik.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
