Ekainaren hasieran irekiko dute berriz Artziniegako Kutxabankeko sukurtsala

Kutxabankekoa da Artziniegan dagoen banku bulego bakarra. / Aiaraldea.eus

Dena den, zerbitzuak orain arte izandakoak baino murritzagoak izango dira, astearte eta ostiral goizetan soilik irekiko baita bulegoa, 08:30etik 13:00etara.

Artziniegako Kutxabankeko sukurtsalak ateak irekiko ditu ekaineko lehenengo bi asteetan zehar, baina orain artekoa baino ordutegi murritzagoarekin. Hemendik aurrera, astearte eta ostiral goizetan soilik irekiko da 08:30etik 13:00etara. Joseba Vivanco alkateak sare sozialetan argitaratutako oharraren arabera, ordutegi horretan zehar leihatila eta kudeaketa zerbitzuak gauzatu ahalko dira.

Bulegoa pasa den martxoaren 12an itxi zuten eta geroztik ez da ireki. Horrek biztanleriaren ziurgabetasuna sortu du, alkatearen iritziz. Hala, zerbitzu murrizketa herriarentzako “atzera pausoa" dela nabarmendu du, Artziniegako banku bulego bakarra baita, eta herritar gehienei zerbitzua ematen baitio. Hortaz, herritarrak Amurrioko bulegora joan beharko dute aipatutako bi egunetatik aparte zerbitzu presentzialak behar izatekotan.

Joseba Vivanco Kutxabankekin harremanetan jarri zen, eta bankutik behin betiko ixteko asmorik ez zutela esan zioten. Ildo beretik, bulegoaren itxierak herrian sortutako ondoeza plazaratu zien alkateak, Facebooken aipatu duenez: "Biztanleen haserrea entitatearen pribatizazioaz geroztik hasi zen, arreta pertsonalizatua murriztu baititu zerbitzuak".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide