Diru-laguntzak eskatu ditzakete dagoeneko alarma egoeran ateak itxi zituzten ostalari, saltoki eta enpresa txikiek

Artziniegako Udalak bideratuko ditu laguntzak. / Aiaraldea.eus

Onuradunek 700 euro jasoko dituzte gutxienez eta 1.200 gehienez. 30.000 euro inbertituko ditu guztira udalak. 

Gaur -abuztuak 18- ireki da alarma egoeran  pertsiana jaitsi behar izan zuten Artziniegako saltoki, ostalaritza lokal eta enpresa txiki zein ertainentzako diru-laguntzetara aurkezteko epea. Udalak abiatu du egitasmoa, “merkatari eta enpresa txikiek izandako ondorioak arindu eta herrian jarduten jarraitzen laguntzeko”. 

Hiru laguntza-ildo

Hiru laguntza-ildo planteatu ditu tokiko erakundeak. Lokalik gabeko autonomoek 700 euro jasoko dituzte. Euren jabegoko lokalean jarduten dutenei 850 euro emango zaizkie; eta alokairua ordaindu behar dutenek, aldiz, 1.200 euro jasoko dituzte. 

Guztira 30.000 euro inbertitzea aurreikusi du udalak. Hala ere, erakundeak nabarmendu du pandemiak atzeratu egin dituela herriko merkataritza-sarea berrindartzeko planak. 

Diru-laguntza deialdiaren oinarriak udalaren webgunean eta bulegoetan daude eskuragarri. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide