Konpondu dute Arteko Gure Ama eskolako jantokia

Eskolan zenbait konponketa egin ditu Udalak, ikasturte berriaren atarian. / Artziniegako Udala

Jangelako argi eta soinu sisteman hobekuntzak egin ditu egunotan Artziniegako Udalak, sare sozialetan azaldu duenez.

"Udalak Arteko Gure Ama ikastetxeko jantokia intsonorizatzeko eta argiztatzeko lanak egin ditu egun hauetan, ikastetxeak egindako eskaera bati erantzunez". Hala adierazi du tokiko erakundeak sare sozialetan.

Horiek ez dira izango, ordea, egingo dituzten atonketa bakarrak. Izan ere, aurki eskolaren kanpoko aldeko argiteriari helduko diote, "energia aurrezteko lanparekin" azpiegitura hobetzeko. Artziniegako Udalaren hitzetan, Hezkuntza programaren diru-laguntza jaso dute lanak gauzatzeko. 

Ikasturte hasiera dela-eta, eremuko zuhaitzak ere zaindu dituzte: "Ikastetxearen perimetroaren barruan zeuden kaltetutako txopoak moztu dira, bai eta kirol-guneko aparkalekua ere, haizearen ondorioz erortzeko arriskurik egon ez dadin".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide