Artziniegako Jaiak ez ospatzeko eskatu die udalak herritarrei

Gaur ez da egingo txupinazorik. / Aiaraldea.eus

Artziniegako Jaiak bertan behera utzi dira aurten pandemiaren ondorioz. Baina, egitaraurik egon ez arren, jaiak ez ospatzeko deia luzatu die udalak herritarrei.

Artziniegako Udalak mezua zabaldu du sare sozialetan herritarrek jaiak ospatu ez ditzaten. Izan ere, gaur izan beharko litzateke txupinazoa, baina osasun krisialdia dela medio, tokiko erakundeak zein jai batzordeak adostu dute festarik ez antolatzea.

Tokiko erakundeak adierazi du badakiela zaila izango dela uda parrandarik gabe agurtzea, baina azpimarratu du ez dela unea jaietako arropa janzteko edota bilerak antolatzeko.

Erakundeak nabarmendu du jende pilaketak ekidin behar direla eta horretarako ezinbestekoa dela norberak bere festa partikularra ez antolatzea, besteek ere egin ez dezaten: "beste asteburu baterako uzteko unea da. (...) Batez ere, egun horretan, aukera horretan, asteburu horretan, denok egotea delako kontua".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide