"Herri txiki, infernu handi" telebista saioa grabatuko dute Artziniegan

Izar Mendiguren Cosgaya 2020ko irailaren 21a
Deskargatu Info Ahotsak :

Orozkon ere grabatu zuen saioa 2016an "Herri txiki, infernu handi" programak. / Aiaraldea.eus

Urriaren 8an izango da bakarrizketen emanaldia Toñin Luengas frontoian. Zuhaitz Gurrutxaga eta Mikel Pagadi aurkezleek gidatuko dute saioa. Udalak gonbidapenak banatuko ditu aforoa neurtzeko.

ETB1 kateko Herri txiki, infernu handi emanaldia izango da Artziniegan urriaren 8an. Udalak jakinarazi duenez, datozen egunetan egingo dituzte elkarrizketak eta grabaketak: "Hurrengo egunetan Euskal Telebistak Artziniegan ETB1ek igande gauetan ematen duen Herri txiki infernu handi programaren kapitulu bat grabatuko du".

Aurreratu dutenez, artziniegar euskaldunak elkarrizketatuko dituzte, batetik. Eta, bestetik, herritarren solasaldietatik eratorritako bakarrizketekin ikuskizuna eskainiko dute urriaren 8an, Artziniegako frontoian. "Ekitaldi hau ere grabatuko dute biak batera emititzeko", zehaztu dute.

"EiTBk, udalaren bitartez, 100 gonbidapen banatuko ditu urriaren 8ko ekitaldi eta grabaketan parte hartzeko. Gonbidapenak noiz banatuko diren informatuko dugu", erantsi dute oharrean.

 

Jendartea Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide