Artziniegako Kultura Etxea konponduko dute, ia milioi bat euroko inbertsioa eginda

Bigarren solairua gehitu nahi diote azpiegiturari. / Artziniegako Udala

484.812 euroko laguntza jaso du Artziniegako Udalak eraikina berritzeko.

Arabako Foru Aldundiaren Obra eta Zerbitzuen Planaren baitan, Kultura Etxea konpontzeko diru-laguntza eskuratu du Artziniegako Udalak. Joseba Vivanco alkateak azaldu duenez, legealdi honetan gauzatu nahi dituzte lanak. 

"Eginkizun garrantzitsu honetarako aurrekontua ia milioi bat eurokoa da", zehaztu du gobernuburuak. Helburua, eraikina bera atontzea da, "probetxu hobea ateratzeko". Horretarako, bigarren solairua gehitu nahi diote azpiegiturari, igogailua kokatu, berogailu sistemarekin hornitu eta egungo espazioak berrantolatu. "Ekinbide inportantea da Kultura Etxekoa, Artziniegak dituen beharrei erantzuteko", azpimarratu du Vivancok.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide