Artziniegako margo lehiaketaren edizio berri bat egingo dute maiatzaren 23an

Alberto Fernandez Hurtadok irabazi zuen lehen saria 2019ko edizioan. / Artziniega Museoa

Artea elkarte etnografikoak antolatuta, Villa de Artziniega lehiaketaren XVIII. edizioa ospatuko da igandean

Artziniega gai bezala hartuta, herriko margo lehiaketaren XVIII. edizioa ospatuko dute datorren igandean, maiatzak 23. Artziniegako Museoa kudeatzen duen Artea elkarte etnografikoak antolatu du lehiaketa.

Teknika eta formatu librean, nahi duen orok hartu ahalko du parte. 8:30ean hasiko da lehiaketa, eta egindako lan guztiak ikusgai egongo dira 14:00etatik 14:30etara Toñi Luengas frontoian. Epaimahaiak arratsaldeko hiruretan emango du irabazleen berri.

COVID-19ak eragindako osasun egoera dela eta, aurten ez da margolanen bestelako erakusketarik antolatuko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide