Giro ona nagusi Peñalbara gaueko txangoan

Txabi Alvarado Bañares 2021eko abuztuaren 21a

Peñalbara gaueko txangoa egin zuten atzo, Artziniegako frontoitik abiatuta. 30 lagun inguruk parte hartu zuten ekimenean.

Antolatzaileek positiboki baloratu dute ekimenak izandako harrera. “Giro ona izan zen nagusi. Eguraldi aproposa egon zen eta ez zen ezbeharrik gertatu”, nabarmendu dute Ganzorrotz mendi taldeko kideek, “tontorrean geundenean laino apur bat agertu zen eta horregatik berehala jaitsi ginen”.

Gauzak hala, gaueko hamaiketarako herrian zeuden berriro mendizale guztiak, eta “tabernetan zerbait hartzeko aukera” izan zuten, etxeratu baino lehen. “Bueltako bidean ilargia ikusteko aukera izan genuen ere. Beraz, esan bezala, ibilaldia arrakastatsua izan zen”.

Ganzorrotz taldeko kideek bi urte zeramatzaten ekimena antolatu gabe. Iaz pandemia dela eta utzi zuten bertan behera. 2019an, aldiz, eguraldi txarrak galarazi zuen ekimena.

Argazkiak: Ganzorrotz Mendi Taldea

Kirola Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide