Hainbat urtez luzatu den gatazka armatuaren ostean, Talibanek Afganistaneko gobernua bereganatu zuten abuztu erdialdean, eta tentsioak nabarmen egin du gora zonaldean. Datu ofizialen faltan, 250.00 dira herrialdetik ihes egitea lortu duten herritarrak, %80 emakumeak edo adingabeak direlarik.
Nazioarteko komunitateak, gainera, bere kezka adierazi du Talibanen erregimen berriak ekarriko duen emakume afganiarren eskubideen murrizketa basatian, eta hauek defendatzeko deia zabaldu du.
Horregatik, Artziniegako EAJk ekimen bat aurkeztu du gaur goizean ospatutako udalbatzan, Afganistanetik ihes egiten duten herritarrak artatzeko helburuarekin. Gauzak horrela Artziniegako Udalak nazioarteko babesa eskatzen duten pertsonei harrera egiteko plazak Espainiako Gobernu Zentralari eskaintzea eskatu dio Eusko Jaurlaritzari, Afganistanetik ihesi datozen herritarren mesedetan. Encina Castresanak oso positiboki baloratu du udal-talde guztiek proposamenaren alde egin izana.
Bestalde, EAJk eskatu du toki-administrazioak Eusko Jaurlaritzak bultzatutako SHARE proposamena Europako agendan jar dezala. Proposamen honekgaur egungo migrazio-erronkaren aurrean erantzunkidetasunaren printzipioa aplikatzeko eta islatzeko helburua du.
Encina Castresanak esanetan, “babes Komunitarioa programak errefuxiatuen harreran eta integrazioan zuzenean parte hartzeko aukera ematen die herritarrei. Datorren krisi humanitarioaren aurrean, inoiz baino premiazkoagoa da migrazio-fluxuak humanizatzea eta joan-etorri seguruak ahalbidetzea”.