Uda honetan, urtero egin ohi den bezala, hobekuntza batzuk egiten ari dira Arteko Gure Ama ikastetxe publikoan. Udalaguntza izeneko laguntza-lerroaren barruan kokatzen dira inbertsioak, eta hauen kostua Hezkuntza Sailaren eta Udalaren artean partekatzen da. Aurten bi obra bereizi dira: Argiteria aldaketa eta instalazioa eta Kaleko eraikinaren estalkia konpontzea.
Argiteria aldaketa eta instalazioa
Hilabete hauetan ikastetxearen barruko argiteriaren aldaketa egin eta guztiz berritu da; aurrerantzean energia aurrezteko helburuarekin. Artziniegako Udaletik adierazi dutenez, beharrezko jarduretatzat jotzen da egungo barruko argiteria-instalazioa hobetzeko, bai instalazioaren segurtasunaren ikuspegitik, baita eraginkortasun energetikoaren ikuspegitik ere.
Kostua 21.800 eurokoa da, eta herriko beste hainbat insatalazioetan ere energia aurrezteko lanekin jarraituko dute hurrengo hilabetetan. Arlo honetan egingo diren hurrengo jarduerak Udal pilotalekuaren eta futbol zelaiaren fokuak izango dira.
Kaleko eraikinaren estalkia konpontzea
Arteko Gure Ama ikastetxeko haurreskolako eraikinaren estalkia konpontzen ari dira ere; eraikinak zituen ur eta hezetasun filtrazioak saihestea da helburua. “Beharrezko eta premiazko jardueratzat jotzen da, gerta daitezkeen ur-iragazketa posibleak kontuan hartuta”, azaldu du Joseba Vivanco alkateak.
Inbertsio honen kostua 21.200 eurokoa da. Aurreikusitako obren barruan kaltetutako estalkiko elementuak konpontzea da