Arabako XLIII. Itzuliaren bigarren etapa gauzatuko da igandean Artziniegan

Unai San Pedro Camacho 2021eko irailaren 1a
Deskargatu Info Ahotsak :

Aiara Txirrindulari Elkarteko kirolariak lasterketan. / Aiara Txirrindulari Elkartea

Txirrindulariek hiru buelta eman beharko dituzte bertako zirkuitu batean.

Artziniegan izango da, datorren igandean, irailak 5, Arabako XLIII. Itzuliaren bigarren etapa. Goizeko 10:00etan hasiko dira txirrindulariak lehian. Guztira 57 kilometroko ibilbidea burutuko dute, Artziniega herritik aterata zirkuitu bati hiru buelta emanez.

Ibilbidea goranzko aldapa batekin hasten da, eta Artziniegan bukatzen da jaitsiera gogor baten ondoren. Orokorrean itzulera arina izaten da, eta antolatzailea Artziniega Txirrindulari Elkartea da, Aiarako Txirrindulari Elkartearen laguntzarekin.

Baina Itzuliaren lehenengo etapa aurreko egunean gauzatuko da, larunbatean 16:00etan, Arraioben. Bertan txirrindulariak taldekako erlojupeko arituko dira 10 kilometroko ibilbidea eginez, Arabar Txirrindularitza Federazioak antolatutako jardunaldian

Bestalde, hirugarren etapa Gasteizen izango da, irailaren 11n 16:00etan. Aranako Txirrindularitza Sailak antolatzen du hau azken hau.

Kirola Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide