Sakatu Elektrotxarangak Garai Plazan eman zion hasiera Artziniegako Udalak eta Jai Batzordeak antolatutako egitarau kulturalari. Eguraldia lagun, giro atsegina nagusitu zen herrian, eta zenbait auzokidek jaietako ohiko praka koloretsuak jantzi zituzten egunaz gozatzeko.
Bien bitartean, La Encina Jatetxean, igel toka txapelketa antolatu zuen Naniano Naniano elkarteak. Lehia bizia izan zen azken unera arte. Txapelketan bildutako dirua Tubacexeko langileen erresistentzia kutxara bideratu zuten.
Iluntzean Hutsun-Ortzi taldeak aho bete hortz utzi zituen Toñi Luengas Frontoian elkartutako dozenaka ikusle, txalaparta eta akrobaziak uztartzen zituen ikuskizun batekin. Egunari amaiera emateko, Golden Covers taldea igo zen oholtzara.
Igandean Arabako Biraren 2. jardunaldian lehiatu ziren kadete mailako txirrindulariak eta Aiarako gazteek lehenengo postua eskuratu zuten taldekako sailkapenean. Arteko Amaren santutegian, ordea, urteroko enkantea berreskuratu zuten berriro ere.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide