Ateak ireki ditu Gaztelekuak, udaletxe zaharrean

Txabi Alvarado Bañares 2021eko urriaren 12a
Deskargatu Info Ahotsak :

Irekita dago dagoeneko gazteentzako espazioa. / Joseba Vivanco

Pertsona nagusientzako espazioa ere atonduko dute laster eraikin bereko bigarren solairuan. 

Urriaren 1ean ireki zituen ateak Artziniegako Gaztelekuak, udaletxe zaharrean. Lehen solairuan kokatu dute espazioa, eta asteburuetan egongo da irekita, ondorengo ordutegiekin:

  • Ostiraletan 18:00etatik 21:00etara.
  • Larunbatetan 17:00etatik 21:00etara.
  • Igandeetan 18:00etatik 20:00etara.

Hainbat espazio eraikin berdinean

Gaztelekuaz gain, beste hainbat azpiegitura barnebilduko ditu udaletxe zaharrak ikasturte honetan. Beheko solairuan euskara ikastaroak eskainiko dira, AEKren eskutik. “Orain arte Kultur Etxeko gela batean eskaintzen ziren”, azaldu du Joseba Vivancok. 

Alkateak aurreratu duenez, nagusientzako gune bat ere atonduko dute laster bigarren solairuan. “Pandemia hasi zenetik daramate biltzeko lokalik gabe. Liburutegiaren alboan zuten espazioan eguneko zentro funtzioa betetzen du. Gauzak hala, espazio propio baten beharra zuten” adierazi du Vivancok.

Jendartea Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide