Artziniegan deitutako kontseiluak hiribilduaren 750. urteurrena antolatzeko lehen urratsa egin du jadanik eta lehiaketa prestatu du. Horren helburua da logoa eskuratzea ospakizunetan baliatzeko.
Alfontso X. Jakitunak Herri Gutuna sinatu zuenetik 750 urte igaroko dira 2022an. Efemeride hori gogoratzeko ekintzetan erabiliko da diseinua.
Parte-hartzaileek hainbat proposamen aurkeztu ahal izango dituzte, gehienez ere 3 proposamen parte-hartzaile bakoitzeko. Logotipoak originala eta argitaratu gabekoa izan beharko du. Diseinuak aldakorrak izango dira, formatu, espazio eta tinta desberdinetan aplikatzeko gaitasuna
izango dute. Gaur egungo estetika batera hurbiltzen diren egokitzapen sintetizatuak baloratuko ditu epaimahaiak.
Lanak argi eta garbi adierazi beharko du Artziniega Hiribilduaren titulua eman zeneko 750. urteurrena, eta honako legenda hau jaso beharko du: "Artziniega: 1272-2022".
Aurkezteko azken eguna 2021eko azaroaren 12a izango da, eta helbide elektroniko honetara bidali beharko da soilik: 750aniversariovillartziniega@gmail.com.
Irabazleak 300 euro jasoko ditu. Oinarri guztiak hemen irakur daitezke.