Tokiko merkataritza sustatzeko kanpaina abiatu du Artziniegako Udalak

Azaroaren 22tik abenduaren 22ra luzatuko da egitasmoa. / Aiaraldea.eus

Artziniegan bizi eta erosi kanpaina abiatu du udalak tokiko merkataritzaren aldeko apustua egiteko. Herriko komertzioetan gastatzeko bonuak zozketatuko dituzte egitasmoan parte hartzen duten auzokide guztien artean.

Tokiko merkataritzaren aldeko apustua egin eta Artziniegan bizi eta erosi kanpaina jarri du abian udalak, herriko hirugarren sektoreari bultzada emateko helburuarekin. Azaroaren 22tik abenduaren 22ra luzatuko da egitasmoa. Kanpainan parte hartzen duten 17 komertzioetako batean 10 euro baino gehiago gastatzen den aldiro, parte hartzaileek txartela eskuratuko dute, abenduaren 28an egingo den zozketa batean sartzeko. Udalak 250 euroko 2 sari eta 100 euroko 15 sari banatuko ditu guztira, herriko komertzioetan gastatzeko.

Udalak eta merkatariek elkarlanean antolatu dute egitasmoa, eta urrian eginiko merkataritza sarearen bilera ireki batean adostu zuten, azaldu dutenez. "Kanpainaren bitartez, Artziniegako Udalak, iazko momentu txarrenetan zaindu gintuen tokiko merkataritzaren aldeko apustua egiten duten pertsonak saritu nahi ditu, Artziniegan erosiz eta herriari bizitza emanez" adierazi dute tokiko erakundetik.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide