Migraziorako Euskal Itun Sozialari atxikitzea erabaki du Artziniegak, EAJk proposatuta

EAJ udal taldeko kideak. / EAJ Aiara

Ostegunean izan zen Artziniegako Udalbatza, eta jeltzaleek bertan aurkeztu zuten egitasmoa.

Azaroaren 18an egin zuten Udal Osoko Bilkura Artziniegan eta EAJk proposamena eraman zuen bilerara gai-zerrendatik kanpo. Hain zuzen, jeltzaleek udalerria Migraziorako Euskal Itun Sozialari atxikitzea eskatu zuten.

Berez, oposizioko alderdiak azaldu du "Eusko Jaurlaritzak Euskadiko udal guztiei proposatu dien bezala, pertsona solidarioak izateko eta erantzun solidarioa emateko konpromisoa hartzeko“ beharra dagoela. "Jaso nahi genukeena eskaintzea da migrazio-erronkari aurre egiteko leloa, gure gizartearentzako hazkunde- eta aurrerapen-prozesu baten zati gisa", adierazi zuten.

Kritikak udal gobernu taldeari

Halaber, EAJk EH Bilduren jarduera kritikatu du: “Gure ustez, Joseba Vivancok zuzentzen duen alkatetzak adabakiak jartzen ditu arazoak sortu ahala. Adibidez, adinekoek euren jarduera garatzeko eta bileretarako lokal bat izateko eskubidea dute, baina hori gerta dadin, gazteentzako ikasketa-gela kentzen dugu, espazio gutxi dagoelako”.

Zentzu horretan, bozeramaile jeltzaleak konponbidea proposatu zutela gogorarazi du: “EAJtik Gobernu taldeari eskatu genion Torre Hotelaren erabilera aldatzeko, udalerriko bizilagunei zerbitzuak eskaintzeko; izan ere, espazio berri bat zegoen, eta bertan, gizarte-larrialdiko pisuak kokatu ahal izango genituen”.

Bestalde, EAJk kezka agertu zuen Artziniega Museoaren egoerarekiko. Oposizioko alderdiak aipatu zuen udal idazkariaren oztopoen ondorioz, gidek duela hainbat hilabete ez dutela kobratzen, eta azpimarratu zuten orain ez dagoela herri mobilizaziorik.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide