Artziniegako katastroko balioek %10,48 egin dute behera, udalerriko lurzoruaren prezioaren beherakadaren ondorioz

Txabi Alvarado Bañares 2022ko urt. 24a, 06:30

Azken zenbaketaren arabera, 582 eraikin daude Artziniegan. / Aiaraldea.eus

Hala ere, Ondasun Higiezinen gaineko Zergarengatik ordaindu beharreko azken prezioak udalak ezarriko dituen tasen araberakoak izango dira.

Artziniegako katastroko balioek %10,48 egin dute behera bataz beste, Arabako Ogasunak egindako balioztapen txosten berriaren ondorioz. Lurzoruaren prezioak nabarmen egin du behera udalerrian, eta horregatik eman da jaitsiera eraikinen balioan, eraikuntza prezioek gora egin duten arren. Hala azaldu Aldundiak.

Erakundeak aurreratu duenez, balio horiek 2023an jarriko dira indarrean. Dena den, balio murrizketa horrek ez du nahitaez Ondasun Higiezinen gaineko Zergaren jaitsiera ekarriko. Azken prezioa udalak ezarriko duen tasaren araberakoa izango da. “Foru Ogasunak jabe bakoitzari jakinaraziko dizkio posta bidez bere ondasun higiezinen katastro balio berriak”, jakinarazi du Aldundiak, “halaber, foru bulegoetara etorrita ere jakinaraziko zaizkie, posta bidez egitea ezinezkoa izanez gero”.

582 eraikin Artziniegan

Eustatek 2020an egindako zenbaketaren arabera, 582 eraikin daude Artziniegan guztira, 2010ean baino 42 gehiago. Horietako 461k etxebizitza funtzioa betetzen dute, 76k lokal funtzioa eta 45k, aldiz, biak.

Ekonomia Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide