Akordioa sinatu dute Artziniegako Etnografia Museoaren iraupena bermatzeko

Ekitaldia egin dute gaur Artea elkarteak, Artziniegako Udalak eta Arabako Foru Aldundiak Artziniegako Etnografia Museoaren etorkizuna bermatuko duen akordioa sinatzeko. Aiaraldea Komunikabidearekin baloratu dute ituna, bi urtez luzatu den negoziazio prozesuaren ostean. 

Gaur goizean egin dute Artziniegako Etnografia Museoaren kudeaketa eta finantziazioari begirako akordioa sinatzeko ekitaldia, museoan bertan. Artea elkarteak, Artziniegako Udalak eta Arabako Foru Aldundiak sinatu dute dokumentua. 4 urteko iraupena izango du akordioa, eta beste 4 urtez luzatu ahalko da.

Modu horretan, azpiegituraren bideragarritasuna bermatu nahi izan dute alde guztiek. Udalak bere gain hartuko du irekiera eta arreta zerbitzuaren kudeaketa, lan hori enpresa bati esleituz. Kontratazio publiko horretan kalitatea hartuko dute aintzat prezioa baino gehiago, eta prezio publikoak ezarriko dira. Era berean, tokiko erakundearen esku geratuko da eraikinaren eta barruko piezen garbiketa eta mantenua.

Artea etnografia elkartearena da museoan dagoen bilduma, eta udalaren esku utziko du bere erabilera, "batera kudeatu eta ustiatzeko".

Arabako Foru Aldundiak, bere aldetik, 55.000 euroko diru-laguntza emango du akordioa indarrean dagoen bitartean. Era berean, jarraipen batzorde bat eratuko dute, hitzarmena betetzen dela bermatzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide