Artziniegako EAJk prentsa ohar bidez adierazi dio udal gobernu taldeari beharrezkoa dela hirigune historikoan inbertsio gehiago egitea. Jeltzaleen aburuz, tokiko historiaren kokapen garrantzitsua da.
Horrez gain, Encina Castresanak aipatu duenez, "azken urteotan, gure Alde Zaharraren edertasunak zinemagintzaren industriarekiko piztu duen interesa ikusi ahal izan dugu, eta, horren ondorioz, hainbat filmen eszenatokia izan da".
Alderdiak gaineratu du azken urteotan herriko zenbait lekutan egin direla lanak, eta agerian utzi duela hiriguneak birgaitze obrak behar dituela. Horregatik guztiagatik, Castresanak eskakizun zehatza egin du: "EAJ-PNVren udal-taldetik, EH-BILDU buru duen tokiko gobernu-taldeari eskatzen diogu gure hirigune historikoa birgaitzea lehentasunezko helburu gisa ezartzeko".
Azkenik, oposizioko taldeak iradoki dio gobernuan dagoen koalizioari, udal bitartekoak ez ezik, kanpoan ere bilatzea laguntza ekonomikoak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
