Yarri Memoriala mendi martxa egin dute gaur Artziniegan, Ganzorrotz Mendi Taldeak antolatuta. Dozenaka mendizale bertaratu dira goizean goiz Toñin Luengas frontoira, ibilaldian parte hartzeko.
Ganzorrotz Mendi taldeak antolatutako Yarri Memoriala mendi martxak hasiera eman dio Artziniegako ekitaldi handien denboraldiari, bai eta eskualdeko mendi martxen egutegiari ere. Pandemiak eragindako etenaren ostean, herriko zein kanpotik etorritako mendizaleak goizean goiz elkartu dira Toñin Luengas frontoian, ibilaldia hasteko irrikaz.
Antolatzaileek bi ibilbide prestatu dituzte; luzea eta txikia. Lehenengoa 8:00etan hasi da. Martxa laburrean parte hartu dutenek, ordea, 9:30ean egin dute irteera. Bidea edozein izanda ere, lokatz ugarirekin egin dute topo mendizaleek, eta merezitako otordua jaso dute helmugan, berotan sartzeko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide